जिवनसाथी भन्दा कम्प्युटरले मनको कुरा बुझ्ने तथ्य
कुनैपनि मानिसको व्यक्तित्व उसका आफन्त वा साथीभाई वा नजिकको मानिसको बढि बुझ्नुपर्ने हो । आखिर कम्प्युटर त केवल मेसिन न हो । उसले कसैको व्यक्तिको वा अन्तरमन बुझ्नसक्ने कुरा भएन । तर, एक अनुसन्धानले भने उल्टो परिणाम दिएको छ । अनुसन्धान अनुसार मान्छेको व्यक्तित्व मान्छेले भन्दा कम्प्युटरले बढि बुझ्छ ।
हजारौँ मानिसमा गरिएको अनुसन्धानपछि शोधकर्ताहरुले यस्तो निष्कर्ष निकालेका हुन् ।
फेसबुकमा गरिएका ‘लाइक’ को आधारमा तयार गरिएको कम्प्युटर मोडेलले मानिसको व्यक्तित्वको बारेमा जुन पाँच प्रकारका विशेषताहरुको अनुमान लगाएको छ ती अनुमान दाजुभाई, आमा तथा जिवनसाथीको अनुमान भन्दा पनि धेरै मेल खाएको पाइयो ।
बेलायतको क्याम्बि्रज विश्वविद्यालयका शोधकर्ताहरुका अनुसार मानिसको व्यक्तित्व निकै जटिल विषय भए पनि यो अनुसन्धानले कम्प्युटर मानिसभन्दा अघि बढ्न सक्ने देखिएको छ ।
क्याम्बि्रज र स्ट्यानफोर्ड विश्वविद्यालयका शोधकर्ताहरुले फेसबुकको लाइकका माध्यमबाट कुनैपनि मानिसको यौन झुकाव तथा राजनीतिक रुचीका विषयमा अनुमान लगाउन सकिने तथ्य यसअघि नै पत्ता लगाइसकेका थिए ।यसरी गरियो अध्ययन
शोधकर्ता डाक्टर युयु वु सहितको टोलीले ७० हजार ५२० जना फेसबुक प्रयोगकर्ताहरुको तथ्यांकलाई आफ्नो कम्प्युटर प्रणालीमा हाले । जसमा फेसबुक लाइकलाई विभिन्न पाँच चारित्रिक विशेषताहरु, सहमतता, कर्तव्यनिष्ठा, बहिर्मुखता, भावनात्मक स्थिरता र खुलापनसँग आबद्ध गर्यो ।
फेसबुक प्रयोगकर्तालाई एक व्यक्तित्व प्रश्नावली भर्न लगाइयो र सर्भेका क्रममा उनीहरुका सहकर्मी, साथी तथा परिवारसँगबाट उनीहरुको चरित्रको बारेमा प्रश्न सोधेर टिपोट गरियो ।
तत्पश्चात शोधकर्ताहरुले त्यसरी प्रश्नावलीमार्फत प्राप्त व्यक्तिका आचरणका विषयमा प्राप्त परिणामलाई कम्प्युटर मोडेलबाट प्राप्त परिणामसँग तुलना गरे । ‘लाइक’ को आधारमा कम्प्युटर मोडेलले व्यक्तिको आचरणका विषयमा गर्ने अनुमान साथीसँगी र परिवारले भनेको कुराभन्दा बढि नजिक पाइयो ।
केवल दशवटा फेसबुक लाइकको विश्लेषण गरेर कम्प्युटरले कुनैपनि व्यक्तिको व्यक्तित्वको विषयमा बढि सहि आँकलन गरिदिन सक्छ, उसको सहकर्मीले गर्ने आँकलन भन्दा ।
त्यस्तै ७० वटा लाइकको विश्लेषणबाटै कम्प्युटरले कुनै पनि व्यक्तिको व्यक्तित्व वा आचरणका विषयमा नजिकको साथी वा सँगै बस्ने मानिसले गर्ने आँकलन जत्तिकै सहि आँकलन गरिदिन सक्छ ।
अझ रोचक कुरा त के भने मात्र डेढ सय लाइकको विश्लेषण गरेर कम्प्युटरले कुनैपनि व्यक्तिको व्यक्तित्व वा आचरणका विषयमा गर्ने अनुमान उसका परिवारजनले गर्ने अनुमान भन्दा पनि बढि यथार्थ सावित हुन्छ ।
त्यस्तै ३ सय वटा लाइकको विश्लेषण गर्यो भने त कम्प्युटरले कुनैपनि व्यक्तिको आचरणको विषयमा यति धेरै यथार्थ आँकलन गर्छ की उक्त व्यक्तिको जिवनसाथीले समेत त्यतिधेरै यथार्थ आँकलन गर्न सकेको हुँदैन ।
फेसबुकका भिटिजिङ इन्टर्न समेत रहेका डाक्टर वु का अनुसार फेसबुक प्रयोगकर्ताले आफ्नो प्रोफाइलका सामाग्रीहरुमा औषतमा २ सय २७ वटा लाइक गर्ने गरेका छन् जुन कम्प्युटर आँकलनका लागि पर्याप्त हुन्छ ।
पछिल्लो समयमा मानिसहरुले अनलाइनमा बिताउने समय बढ्दै गएकाले उनीहरुको व्यक्तित्व र आचरणका विषयमा अनुमान गर्ने मामिलामा कम्प्युटरलाई फाइदा पुगेको छ । -बीबीसी
No Comment to " जिवनसाथी भन्दा कम्प्युटरले मनको कुरा बुझ्ने तथ्य "